“Ora po ecën”, Trump paralajmëron Iranin: Së shpejti mund të mos mbetet asgjë

Presidenti i SHBA-së, Donald Trump, ka lëshuar një tjetër paralajmërim të fortë ndaj Iranit përmes një reagimi në rrjetin social Truth Social.

“Ora po ecën dhe ata duhet të veprojnë shpejt, përndryshe nuk do të mbetet asgjë prej tyre”, shkroi Trump, duke theksuar se situata është kritike dhe koha nuk duhet humbur.

“Koha është esenciale”, shtoi ai në mesazhin e publikuar online.

Më herët, Trump kishte postuar edhe një fotografi të shoqëruar me mbishkrimin: “Qetësia para stuhisë”, një deklaratë që ka nxitur reagime dhe spekulime mbi zhvillimet e mundshme në Lindjen e Mesme.

Paralajmërimet e presidentit amerikan vijnë në një kohë tensionesh të larta mes SHBA-ve, Izraelit dhe Iranit. Sipas raportimeve ndërkombëtare, United States dhe Israel po zhvillojnë përgatitjet më intensive për sulme të reja ndaj Iran që prej armëpushimit të arritur muajin e kaluar.

Situata në rajon mbetet e tensionuar, ndërsa komuniteti ndërkombëtar po ndjek me shqetësim zhvillimet e fundit.