Osmani: Vonesa në konstituimin e Kuvendit dëmton përparimin e vendit

Presidentja e Republikës së Kosovës, Vjosa Osmani, gjatë një takimi me përfaqësues të një grupi organizatash joqeveritare, deklaroi se vonesa në konstituim të Kuvendit dëmton kredibilitetin e institucioneve dhe përparimin e vendit drejt agjendës euroatlantike.

Presidentja Osmani ripërsëriti përkushtimin e saj për të garantuar funksionalitet institucional dhe për të vepruar në përputhje me Kushtetutën, në interes të qytetarëve të Republikës së Kosovës.

Ajo u shpreh e gatshme që të vazhdojë të mbetet e hapur për dialog me shoqërinë civile, në funksion të ruajtjes së rendit demokratik dhe forcimit të institucioneve përfaqësuese të vendit.

Deklaratat e Presidentes Osmanit kanë ardhur të njëjtën ditë kur është shënuar dështimi i 27-të për konstituim të Kuvendit.

Kuvendi i Kosovës nuk po konstituohet pasi Lëvizja Vetëvendosje, që ka fituar më së shumti vota në zgjedhjet e 9 shkurtit, dhe partitë që në legjislaturën e kaluar ishin në opozitë, nuk kanë arritur pajtueshmëri për mënyrën e votimit për kreun e ri të parlamentit.

Kandidatja për kreun e Kuvendit e propozuar nga fituesja e zgjedhjeve, Albulena Haxhiun, nuk gjenë mbështetjen për të marr votat e nevojshme.

Deputetët duhet ta zgjedhin kryetarin dhe pesë nënkryetarët për ta konstituuar përfundimisht Kuvendin e ri.

Vetëm pas konstituimit të Kuvendit mund të formohet Qeveria e re.

/rtsh.al/