P R O J E K T L I G J PER DISA SHTESA NË LIGJIN NR.8402, DATË 10.9.1998, “PËR KONTROLLIN DHE DISIPLINIMIN E PUNIMEVE TË NDËRTIMIT”, TË NDRYSHUAR

P R O J E K T L I G J

PëR

DISA SHTESA Në LIGJIN NR.8402, DATë 10.9.1998, “PëR KONTROLLIN DHE DISIPLINIMIN E PUNIMEVE Të NDëRTIMIT”, Të NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

V E N D O S I :

Në ligjin nr.8402, datë 10.9.1998, “Për kontrollin dhe disiplinimin e punimeve të ndërtimit”, të ndryshuar, bëhen këto shtesa:

Neni 1

Në vijim të paragrafit të tretë, të nenit 7, shtohet fjalia, me këtë përmbajtje:

“... Kur mbikëqyrësi i punimeve konstaton raste të ndryshimit të projektit, është i detyruar të njoftojë menjëherë Inspektoratin Ndërtimor e Urbanistik të bashkisë/komunës/qarkut.”.

Neni 2

Në nenin 9 bëhen këto shtesa:

a) Në fund të paragrafit të parë shtohen fjalët “… dhe INUK-ja, kur kërkohet nga kjo e fundit, për zonat me rëndësi kombëtare.”.

b) Në fund të paragrafit të dytë shtohet një paragraf, me këtë përmbajtje:

“... Inspektorati Ndërtimor e Urbanistik i bashkisë/komunës/qarkut, brenda 5 (pesë) ditëve nga data e depozitimit të dosjes, duhet të pajisë subjektin me vërtetim për plotësimin ose jo të dokumentacionit tekniko - ligjor të paraqitur. Në përfundim të afatit 5 - ditor, nëse Inspektorati Ndërtimor e Urbanistik i bashkisë/komunës/qarkut nuk shprehet, atëherë dokumentacioni tekniko – ligjor, i paraqitur nga subjekti, konsiderohet si i pranuar i plotë nga inspektorati i sipërpërmendur.”.

Neni 3

Në fund të nenit 15 shtohet paragrafi, me këtë përmbajtje:

“ Për moszbatimin e detyrimeve, të përcaktuara në nenin 7, të këtij ligji, përveç dënimit me gjobë, brenda 10 (dhjetë) ditëve nga çasti i konstatimit të shkeljes, Inspektorati Ndërtimor e Urbanistik i bashkisë/komunës/qarkut u paraqet organeve përkatëse kërkesën për heqjen e licencës të mbikëqyrësit të punimeve.”.

Neni 4

Ky ligj hyn në fuqi 15 ditë pas botimit në “Fletoren zyrtare”.

K R Y E T A R I

JOZEFINA TOPALLI (çOBA)