PAMJE TË RËNDA/ Raste që përsëriten! Dhunohet edhe TikTok-erja e famshme

TikTok-erja Suada Muça ka qenë viktimë e një akti dhune.

Një video e cila po qarkullon këtë të enjte në rrjetet sociale dokumenton momentin kur ajo sulmohet nga disa persona.

Sipas raportimeve, dyshohet se dhunimi i saj është porositur nga Xhemal Uka, i njohur në platformën TikTok me nofkën “Fire”, pas disa deklaratave dhe përmbajtjeve ofenduese që Suada  dyshohet se ka bërë ndaj tij në një video-live.

Pas incidentit, Suada Muça ka dalë në një video live në rrjetet sociale, ku është shfaqur me shenja të dukshme në fytyrë.

Ajo ka deklaruar se është sulmuar nga një vajzë dhe tre burra, të cilët, sipas saj, pasi e kanë dhunuar, e kanë detyruar të kërkojë falje publike për ofendimet e drejtuara ndaj Xhemal Ukës.

“Ishin 3-4 persona, një e pash që ishte vajzë të tjerët burra,” shprehet ajo në video.

Edhe pse Këshilli i Ministrave miratoi në mars vendimin për mbylljen e e përkohshme të platformës TikTok, me qëllim minimizimin e dhunës ndërmjet, duket se edhe  pas marrjes së kësaj mase episodet e dhunës nuk janë ulur, teksa ekspertët shprehen se kjo i shërbeu më shumë shmangies së përgjegjësisë institucionale por jo zgjidhjes së problemit.