PD: Rama iu dergoi si kartoline shqiptareve, murin e bllokimit

Partia Demokratike ka deklaruar dje, se kryetari i Partise Socialiste Edi Rama, u dergoi si kartoline urimi per festat e fundvitit shqiptareve, murin e bllokimit per Shqiperine te statusit te vendit kandidat per vend anetar te BE. Nepermjet nje deklarate per shtyp, zedhenesja e PD-se thekson se, “Rama, kete akt te pashembullt ne historine e procesit te integrimit te ndonje vendi ne BE, perpiqet ta maskoje me shpifje dhe trillime te denja, vetem per moralin e neobllokmeneve, kunder familjareve te Kryeministrit”. PD denon aktin e shemtuar te pasardhesve te bllokmeneve hoxhiste te mosvotimit ne Parlament te tre ligjeve, qe kerkohen nga Komisioni Evropian, Keshilli i Ministrave te Bashkimit Evropian dhe Parlamenti Evropian per statusin e vendit kandidat per Shqiperine, si atentatin me te rrezikshem kunder interesave jetike te te gjithe shqiptareve, integrimit te tyre ne Bashkimi Evropian. “Me murin e tij te bllokimit, Edi Rama u mohon shqiptareve, qindra milione euro te domosdoshme per infrastrukturen, rruget, kanalizimet, shkollat, spitalet e tyre. Me bllokimin e statusit te vendit kandidat, Edi Rama dhe neobllokmenet e tij ne krye te PS, u mohojne te rinjve shqiptare, mijera te drejta studimi ne universitet ne vendet anetare te BE, me tarifa disa here me te uleta, se ato qe duhen te paguajne sot ne keto universitete, vetem e vetem se Shqiperia nuk ka statusin e vendit kandidat”, thuhet ne deklaraten e PD-se. Me tej, selia blu thekson se, duke bllokuar statusin e vendit kandidat, Rama, privon ne menyren me cnjerezore trajtimin ne spitale ne vendet anetare, te te semureve shqiptare me tarifa sigurimesh te njejta me qytetaret e vendeve te BE. Gjithashtu, PD i deklaron z.Rama, zotit 20 % te cilin kryetari i PS Fatos Nano, e ka akuzuar publikisht per trafik te ikonave te vjedhura, se shqiptaret me 23 qershor, do te shembin murin e tij te bllokimit, ashtu sic shemben murin e izolimit te eterve te tyre, bllokmene e hoxhiste.