PD mbledh Kryesinë, cilat janë propozimet për ndryshimet në statut
Partia Demokratike e Shqipërisë ka mbledhur mbrëmjen e sotme Kryesinë e partisë, ku në qendër të diskutimeve jenë ndryshimet në statutin e selisë blu.
Mbledhja vjen në një moment të rëndësishëm për demokratët, teksa pritet të diskutohen disa propozime që lidhen me organizimin e partisë, përfaqësimin politik dhe funksionimin e strukturave drejtuese.
Sipas informacioneve një nga risitë kryesore të propozuara është fuqizimi i rolit të diasporës shqiptare në Partinë Demokratike. Drafti parashikon që 15% e listave dhe organeve drejtuese të partisë të përbëhen nga përfaqësues të diasporës.
Një tjetër ndryshim lidhet me rritjen e përfaqësimit të grave dhe vajzave në strukturat e PD-së, nga 30% në 40%.
Sponsorizuar
Po ashtu, propozohet ngritja e Komisionit të Seleksionimit të Kandidaturave për deputetë dhe kryetarë bashkish, si një strukturë autonome nga organet drejtuese të partisë, përpara zhvillimit të primareve.
RISITË DHE NDRYSHIMET KRYESOR/:
- Fuqizimi i Diasporës shqiptare dhe përfaqësimi real politik i saj. 15% në lista dhe në organet e partisë duhet të jenë përfaqësues nga Diaspora.
- Fuqizimi i rolit të grave dhe vajzave në Parti, duke e rritur përfaqësimin e tyre nga 30 % në 40%.
- Ngritjen e Komisionit të Seleksionimit të Kandidaturave për deputet dhe kryetar bashkie, si strukturë autonome nga organet drejtuese të partisë, përpara realizimit të procesit të primareve.
- Përmirësimi i organizimit bazë të partisë (grupseksionet dhe nëndega) dhe forcimi i Kolegjit të Kryetarëve të Grupseksioneve.
- Forcimi i raporteve mes Degëve të Partisë dhe të zgjedhurve vendor (këshilltarëve bashkiak).
- Njohja e një statusi të barabartë për të gjitha organizatat partnere të partisë, duke respektuar historinë e themelimit të PDSH.
- Mbrojtja e të dhënave personale të anëtarëve të Partisë.
- Saktësimi i rregullave të shkarkimit të kryetarëve të degëve, duke i dhënë më shumë garanci të qëndrimit në detyrë.