PDU, sot publike arsyet e krijimit të partisë së re

Grupi nismëtar i partisë më të re në vend, ajo për Drejtësi dhe Unitet (PDU), do të bëjë publike sot arsyet e themelimit të kësaj partie, objektivat, mjetet për realizimin e tyre etj.
Përmes një konference të paralajmëruar për shtyp, dy përfaqësuesit e këtij grupi nismëtar, dy deputetët Shpëtim Idrizi dhe Dashamir Tahiri, do të tregojnë se përse vendosën ta krijojnë partinë , objektiat dhe mjetet për realizimin e tyre.
Sipas tyre, Partia për Drejtësi dhe Unitet synon të veprojë si parti e pozicionuar në mbrojtje të interesave kombëtarë, të zgjidhjes së çështjes kombëtare, në veçanti të çështjes çame.