PL-ja kërkesë kreut të Policisë: Duam emrat e policëve që arrestuan Ilir Metën

Partia e Lirisë i ka dërguar një shkresë Drejtorit të Përgjithshëm të Policisë së Shtetit, Ilir Proda dhe ministrit të Brendshëm, Ervin Hoxha, ku kërkojnë të dinë më shumë informacione për arrestimin e Metës.

Në një deklaratë, Sekretari i Përgjithshëm i PL-së, Tedi Blushi është shprehur se duan të dinë se kush janë emrat e policëve që arrestuan Ilir Metën.

Sipas Blushit, këto dy institucione duhet të kthejnë përgjigje brenda datës 7 nëntor.

Blushi thekson ndër të tjera se arrestimi i Ilir Metës është bërë në kundërshtim me ligjin, teksa shton se nëse nuk i përcillen emrat do të ndiqet rruga e drejtësisë, duke i kallëzuar penalisht.

“Ilir Proda do të jeta ai që do të mbajë përgjegjësi penale dhe ne do ta kallëzojmë për dy vepra penale, moskallëzim krimi dhe shpërdorim detyre”, tha Blushi.