PS, sot vendimi per Kodin e "spiunet"

Socialistet mbledhin sot grupin parlamentar ku do te marrin vendime te rendesishme mbi projektet ligjore qe jane per diskutim kete sesion. Ne mbledhjen e mesdites socialistet do te dalin me qendrime konkrete mbi projektligjin per hapjen e dosjeve te bashkepunetoreve te ish sigurimit te shtetit si dhe per Reformen zgjedhore. Me konkretisht, ne mbledhjen e sotme te grupit parlamentar, e cila perkon dhe me celjen e sesionit te ri, do te jepen variantet qe selia roze do te kete per Kodin e ri Zgjedhor. Por nga ana tjeter dhe mbi nismen ligjore per "ndeshkimin" e ish bashkepunetoreve te sigurimit te shtetit. Po keshtu, do te rishikohet edhe njehere, lista e gjate e kerkesave qe PS do te beje per zhvillimin e interpelancave, mocioneve me debat me anetare te Keshillit te Ministrave dhe kryeministrin Sali Berisha. Pas kesaj mbledhjeje do te behet i ditur dhe qendrimi i PS-se ne komisionet parlamentare te Kuvendit, ku do te debatohen keto projektligje te rendesishme. Gjate bisedimeve do te preken dhe marredheniet me partite e majta ne opozite si dhe si do te vijojne negociatat me to per realizimin e daljes te bashkuar ne zgjedhjet parlamentare 2009.