Pakistan denim kapital truprojes vrasese

Një gjykatë pakistaneze ka shpallur fajtor dhe dënuar me vdekje truprojën policore që vrau guvernatorin e provincës së Punxhabit, Salman Taseer, në janar.

Mumtaz Qadri kishte rrëfyer më parë se e kishte vrarë guvernatorin pasi kundërshtonte qëndrimin e tij mbi ligjin kontrovers të blasfemisë.

Kritikët e ligjit në fjalë thonë se ai mund të përdoret për të përndjekur minoritetet me besim tjetër dhe në disa raste për të nxitur armiqësinë.

Vrasja e guvernatorit ndau Pakistanin, me shumë qytetarë që e cilësonin truprojën si hero.

Qadri ishte pjesë e njësisë që kujdesej për sigurinë e guvernatorit, por ai hapi zjarr ndaj tij sapo do të hipte në makinë, në kryeqytetin Islamabad, më 4 janar.

Gjyqi u zhvillua në ambjentet e burgut të sigurisë së lartë të Adijalasë, në Raualpindi, me dyer të mbyllura për mediat.

“Gjykata njoftoi për të dënimin me vdekje”, deklaroi pas procesit avokati i të pandehurit, Shuja Ur Rehman për agjencinë e lajmeve “AFP”.

Disa dhjetra persona u mblodhën jashtë burgut pas dhënies së vendimit, duke bërtitur parulla pro-truprojës.

“Me dënimin e Mumtaz Qadri-t, ju do të prodhoni mijëra të tjerë si ai”, bërtiste një protestues përmes një megafoni.

if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));


Lajmet kryesore

Sfida e Shqipërisë, t’i shpëtojë krizës greke
Analizë e BERZH për vendin tonë
Kursi, leku humbet terren në shtator
Pas Topit, familja Konomi letër Berishës
Kurti: Ambasadat e Shqipërisë për Kosovën
Rrëzohet kërkesa e VV për Veriun