Parlamenti Europian miraton rezolutën për Kosovën

Parlamenti Evropian u bëri thirrje vendeve të BE-së që nuk e kanë njohur ende pavarësinë e Kosovës, ta bëjnë një gjë të tillë. Parlamenti e bëri thirrjen në një rezolutë që miratoi sot në Strazburg, me 424 vota pro, 133 kundër dhe 24 abstenime.

Shumica e vendeve të Bashkimit Evropian e kanë njohur pavarësinë e Kosovës, me përjashtimin e Qipros, Greqisë, Sllovakisë, Spanjës dhe Rumanisë. Ministri i Jashtëm serb Vuk Jeremic I tha televizionit B92 se rezoluta është e papranueshme, pasi siç u shpreh ai bie ndesh me kushtetutën e Serbisë dhe ligjin ndërkombëtar.

Rezoluta i kërkon Serbisë të vazhdojë të mbajë një qëndrim konstruktiv ndaj misionit të EULEX-it. //mm