Pas atentatit, Trump shkon në Konventën e Republikanëve: S’mund të lejojmë një vrasës të ndryshojë gjërat

Donald Trump ka mbërritur në Wisconsin për Konventën Kombëtare Republikane. Konferenca e partisë në Milwaukee po zhvillohet siç ishte planifikuar pavarësisht të shtënave në një tubim në Pensilvani.

Trump postoi në mediat sociale se kishte konsideruar shtyrjen e udhëtimit të tij me dy ditë, por shtoi se “vendosi që nuk mund të lejoj një ‘qitës’, ose vrasës të mundshëm, të detyrojë ndryshimin e orarit ose ndonjë gjë tjetër”.

Sulmi ndaj Trump ka shtuar edhe më shumë sigurinë në Konventën Kombëtare Republikane. Rreth 50,000 njerëz pritet të marrin pjesë në veprimtarinë katër-ditore, ku Trump do të nominohet zyrtarisht si kandidat i partisë për zgjedhjet e ardhshme presidenciale.

Trump u qëllua nga një 20-vjeçar gjatë tubimit në Pensilvani, ku plumbi e kapi në veshin e djathtë, ndërsa nga të shtënat mbeti i vdekur një person dhe dy të tjerë u plagosën.

Pas ngjarjes Trump dha mesazhe për “bashkimin e vendit dhe unitet duke mos lënë të keqen të triumfojë”.

Edhe Presidenti Bajden, gjatë fjalimit të rrallë nga Zyra Ovale , i bëri thirrje vendit të qëndrojë së bashku dhe të zgjidhë dallimet politike “në mënyrë paqësore” në kutinë e votimit.

/rtsh.al/