Pas tërmetit në Spanjë ekziston rreziku që në Mesdhe të ketë tsunami

Tërmeti i djeshëm në Spanjë, ka zgjuar shumë teori konspirative për parashikime të tragjedisë, por ekspertët thonë se ekziston mundësia që Mesdheu të goditet sërish nga të tjerë tërmet, të cilët më pas do shkaktojnë tsunami.

Tërmeti i së mërkurës në Lorka të Spanjës la të paktën nëntë të vdekur. Tani prof. Dr. Klaus Hinzen, një ekspert i njohur gjerman, thotë se ekziston mundësia që të ketë të tjera aktivitete sizmike në Mesdhe dhe rajone të tilla si Italia, Greqia e Turqia do jenë të rrezikuar nga ndonjë valë vrastare. Sipas tij, pllakat tektonike kanë nisur të kenë shumë aktivitet.