Pashkët ortodokse, emigrantët shqiptarë rikthehen në vendlindje

Si çdo vit festa e pashkëve ortodokse  ka qenë një rast që emigrantët shqiptarë që jetojnë e punojnë në Greqi të rikthehen pranë familjeve të tyre në Shqipëri. 

Këtë vit numri i shqiptarëve të rikthyer është 2-fishuar. Kjo edhe për shkak të lehtësimit të masave në kufi pas dy vitesh regullash e kufizimesh pandemike.

Për të përballuar fluksin e këtyre shtetasve policia kufitare hqiptare po punon me 7 sportele.
Me numër të shtuar sportelesh vijon të punojë dhe pala greke. 

Gjatë dy ditëve të fundit ka pasur fluks të shtuar lëvizjesh edhe në pikën e kalimit kufitar të Qafë Thanës me Maqedoninë e Veriut. Burime zyrtare bëjnë me dije se gjatë 24 orëve të fundit nga kjo pikë kufitare kanë hyrë e kanë dalë 4600 shtetas shqiptarë e të huaj.