Patëllxhanë me kos dhe hudhra, receta që do ta gatuani gjithmonë nga shefja e kuzhinës Albana Mançja
Përbërësit:
- 4 patëllxhanë mesatarë
- 2 thelpinj hudhër
- 400 ml kos i trashë
- 5–6 lugë gjelle vaj ulliri
- 1 lugë çaji piper i kuq
- Kripë dhe piper i zi sipas shijes
- Kopër e freskët
Përgatitja:
Lajmë patëllxhanët dhe i presim në shirita ose në rrathë të hollë. I skuqim në vaj ulliri derisa të marrin ngjyrë të artë.
Në një tas përziejmë kosin me hudhrat e grira imët, vaj ulliri, kripë, piper të zi dhe piper të kuq. I përziejmë mirë derisa të përftojmë një masë kremoze.
Pasi patëllxhanët të jenë ftohur pak, i shtojmë te kosi dhe i përziejmë ngadalë, në mënyrë që të mbulohen mirë me salcën.
I vendosim në frigorifer për rreth 30 minuta deri në 1 orë dhe i shërbejmë të ftohtë, si antipastë ose garniturë.
Në fund, i spërkasim me kopër të freskët të grirë.