Përshkallëzohen tensionet në Serbi, studentët bllokojnë rrugët dhe përplasen me policinë (Video)

Tensionet janë rritur në Serbi të shtunën përpara një mitingu në mbështetje të presidentit populist Aleksandër Vuçiç, ndërsa ai u zotua të rimarrë kontrollin pas muajve të tërë të protestave masive kundër korrupsionit që kanë tronditur kontrollin e tij të fortë mbi pushtetin.

Në kryqëzimin në lagjen Sestovo në Novi Pazar të Serbisë ka ndodhur një incident me policinë, kur studentët tentuan të bllokojnë nisjen e një autobusi me mbështetës të partisë së Aleksander Vuçiç, SNS-së për në një tubim në Beograd.

Studentët kishin bllokuar kryqëzimin për të penguar largimin e autobusit. Ata brohorisnin “A nuk ju vjen turp?”, “Turp të keni”. Ndërsa siç shihet në videon e mëposhtme, policët i tërhiqnin disa qytetarë nga duart e këmbët. Ndërkohë, policia serbe i largoi të mbledhurit nga rruga dhe mundësoi kalimin e autobusit.

Mbështetësit e pushtetit në Serbi kanë nisur tubimin “Ne nuk heqim dorë nga Serbia” që është thirrur nga presidenti serb, Vuçiç.

Policija upravo fizički sklanja studente @blokada_dunp
Novopazarci izađite i čuvajte našu decu od lojalista iz policije.
Pametniji ne popušta, Pametniji se organizuje! pic.twitter.com/yEBNNcGKDZ

— Miloš Krstić (@MilosKrstic2211) April 12, 2025