Polici vetëplagoset me armën e shërbimit në parkimin e Pediatrisë në QSUT

Të shtëna me armë janë shënuar pasditen e kësaj të hëne pranë Pediatrisë në QSUT.

Paraprakisht, dyshihet se një person është vetëplagosur në mjetin e tij në parkimin e QSUT.

Deri tani nuk dihet se si është gjendja shëndetësore e tij dhe rrethanat që e kanë çuar drejt këtij akti të rëndë.

Tiranë/Informacion paraprak

Më datë 15.05.2023, rreth orës 18:10, te spitali “Nënë Tereza”, te parkimi i urgjencës së pediatrisë, shtetasi Sh. H., 47 vjeç, (punonjës Policie në sistemin e burgjeve) dyshohet se është vetëplagosur me armën e shërbimit që mbante me vete.

47-vjeçari ndodhet në Spitalin e Traumës ku po merr ndihmën mjekësore.

Grupi hetimor në bashkëpunim me Prokurorinë po punon për sqarimin e rrethanave të ngjarjes.