Presidencialet, elektorati shqiptar ne dyshim

Partite maqedonase jane te alarmuara pasi druhen se kandidaturat e tyre per zgjedhjet presidenciale te 22 marsit nuk do te votohen nga popullsia shqiptare.

Dy pretendentet per postin e kreut te shtetit jane Gjorgje Ivanov i propozuar nga VMRO-DPMNE dhe Lubomir Frckovski nga LSDM.

Ivanov eshte vleresuar si nje nga kundershtaret me te zjarrte te Marreveshjes se Ohrit, ndersa Frckovski, ish-minister i Brendshem, njihet si nje figure politike me qendrime kontradiktore per shqiptaret.

Por pavaresisht kesaj, LSDM ka ftuar gjithe elektoratin qe te votoje Frckovskin, duke e cilesuar ate si nje kandidature profesionale dhe te pergatitur, “ndryshe nga kandidatura e partise se kryeministrit Gruevski”.

Nderkohe, partia Demokracia e Re do te garoje ne zgjedhje me kandidaturen e Imer Selmanit, ndersa Liberal-Demokratet me ish-diplomatin Nano Ruzhin. Nuk do te mungojne as kandidatet e pavarur, mes te cileve spikat ish-ministri i Brendshem, Lube Boshkovski.

Dy partite shqiptare BDI dhe PDSH nuk i kane publikuar ende qendrimet e tyre. Kryetari i PDSH, Menduh Thaci ka deklaruar se gjate kesaj jave do te dale me nje vendim. Ai ka mohuar zerat se me Ali Ahmetin kane rene dakord per nje kandidat te perbashket.