Presidenti Rama Integrimi mori goditje te rende

Kryetari i Partisë Socialiste Edi Rama deklaroi se me mungesën e konsensusit për zgjedhjen e Presidentit të vendit, çështja e madhe e bashkimit të Shqipërisë me Europën pësoi një goditje të rëndë.

"Ne u përpoqem t'i jepnim Shqipërisë mundësinë për statusin kandidat në Bashkimin Evropian. Europa sot është më larg se dje dhe Shqipëria është më larg se familja europiane. Ne socialistët jemi ende më të vetëdijshëm për domosdoshmërinë e ndryshimit për ta rilindur Shqipërinë dhe për ta bërë atë një pjesë të pandashme të Europës", tha Rama.

Kreu socialist i tha këto deklarata gjatë fjalimit të tij në Kongresin Zgjedhor të Forumit Rinor Eurosocialist.