Presidenti Vuçiç shpërndan parlamentin, cakton 25 tetorin për zgjedhjet e parakohshme në Serbi
Presidenti i Serbisë, Aleksandër Vuçiç, ka nënshkruar dekretin për shpërndarjen e Kuvendit të Serbisë dhe ka shpallur zgjedhjet e jashtëzakonshme parlamentare, të cilat do të mbahen më 25 tetor. Dekreti i firmosur nga Vuçiç parashikon shpërndarjen e Kuvendit të dalë nga zgjedhjet parlamentare të 17 dhjetorit 2023, duke i hapur rrugë zgjedhjeve të parakohshme.
Vendimi është marrë mbi bazën e propozimit të arsyetuar të Qeverisë së Serbisë, të datës 7 shtator. Duke folur nga Presidenca e Serbisë, Vuçiç njoftoi zyrtarisht për shpërndarjen e parlamentit dhe caktimin e datës së zgjedhjeve, ndërsa kërkon të kandidojë për postin e kryeministrit.
Sipas dekretit presidencial, ai hyn në fuqi ditën e publikimit në Gazetën Zyrtare të Republikës së Serbisë.
/rtsh.al/