Presidenti iranian: Shkelja e angazhimeve të SHBA-së, bllokada e porteve dhe kërcënimet, pengesa kryesore për negociata

Presidenti iranian Masoud Pezeshkian deklaroi se shkelja e angazhimeve nga ana e SHBA-së, bllokada e porteve iraniane dhe kërcënimet janë pengesa kryesore për “negociata të vërteta” me Uashingtonin.

“Shkelja e angazhimeve nga SHBA-ja, bllokada e porteve tona dhe kërcënimet janë pengesa kryesore për negociata të sinqerta. Bota sheh retorikën tuaj të pafundme hipokrite dhe kontradiktën midis pretendimeve dhe veprimeve”, tha Pezeshkian.

Deklarata erdhi një ditë pas vendimit të Presidentit amerikan Donald Trump për të zgjatur armëpushimin.

Kjo tensionon më tej situatën, pasi afati i armëpushimit të përkohshëm po afrohet dhe palët akuzojnë njëra-tjetrën për shkelje.

Irani ka kritikuar veçanërisht bllokadën detare amerikane dhe incidentet e fundit në det, duke i quajtur ato si pengesa për dialogun.

/rtsh.al/