Prezantohet projekti për hartografimin dhe dokumentimin e zonave me potencial arkeologjik të Lezhës

TIRANË, 26 dhjetor /ATSH/ Lezha është një nga qytetet me potencial të lartë arkeologjik që përbëjnë një vlerë të rëndësishme historike për qytetin dhe vendin.

Në bashkinë e Lezhës u prezantua projekti “Hartografimi dhe Dokumentimi i zonave me potencial arkeologjik të Lezhës (Lissus)”, i cili do t’i hapë rrugën “Planit të Menaxhimit Strategjik të Parkut Arkeologjik, Lezhë”, duke e kthyer qytetin në një qendër të rëndësishme për zhvillimin ekspeditave arkeologjike.

Kryetari i bashkisë së Lezhës, Pjerin Ndreu tha se, ky projekt që do të zbatohet në  bashkëpunim me Akademinë e Shkencave, Universitetin Politeknik të Tiranës dhe Bashkinë e Lezhës. Drejtues i këtij projekti, do të jetë prof. dr. Neritan Ceka.

Sipas tij, me përfundimin e studimit i hapet rrugë ekspeditave të ndryshme arkeologjike që janë një potencial dhe vlerë e shtuar, për trashëgiminë e pasur kulturore dhe historike të zonës së Lezhës.

1 nga 9

/r.e/