Prishtinë - Protesta për papunësinë dhe përmirësimin e kushteve

Qindra punëtorë e të papunë, protestuan të shtunën në rrugët e Prishtinës duke kërkuar  më shumë punë dhe përmirësimin e kushteve të atyre që kanë tashmë një vend pune. Ata u bënë thirrje institucioneve që të fillojnë zbatimin e kontratave të punëtorëve, ligjin e punës, ligjin mbi sigurimin pensional dhe sigurimin shëndetësor. Ata janë ankuar po ashtu për procesin e privatizimit në Kosovë, i cili sipas tyre nuk ishte në favor të punëtorëve.