Procedohet oficeri i policise gjyqesore

Denoncohet ne polici dhe Prokurorine e Vlores, nje oficer i policise gjyqesore te Gjirokastres. Akuzuesit jane nje qytetar i thjeshte vlonjat dhe nje nga uniformat blu te salles operative te Drejtorise se Policise.

Mesohet se oficeri i policise gjyqesore Gjirokaster, Bujar Madani, ka shkaterruar pronen e qytetarit Ali Dauti, duke shqyer murin nga pjesa jugore, rrjetin elektrik, hidraulik.

I ndodhur para ketij fakti, Ali Dauti se bashku me nje punetorin e tij, Ujkan Elezi, ne mengjes kane lajmeruar sallen operative, prane Drejtorise se Policise, Vlore. Sipas denoncuesit, teksa pritej te mberrinte policia, Bujar Madani ka hyre ne banesen e tij me pistolete ne dore dhe e ka kercenuar me fjalet “Do t’ju vras, do t’ju zhduk” dhe me fundin e pistoletes ka qelluar ne koke shtetasin Ali Dauti dhe punetorin e tij, Ujkan Elezi.

I lenduari eshte shtruar ne spital me fraktura te renda ne koke dhe aktualisht ndodhet ne repartin e kirurgjise ku dhe u eshte nenshtruar ekzaminimeve dhe kurave te nevojshme. Pas ketij fakti, Prokuroria dhe Policia e Vlores kane regjistruar ceshtjen penale ne ngarkim te kolegut te tyre me detyre prane Prokurorise Gjirokaster, lidhur me dyshimet per kryerjen e vepres penale te “dhunimit, shkaterrimit te prones, kanosjes dhe rrahjes se qytetareve, duke shperdoruar detyren.

Por keto nuk jane akuzat e vetme per te cilat eshte denoncuar Madani. Burime te sigurta prane policise Vlore pohojne se oficeri Madani ka share me fjale fyese punonjesin e salles operative, Kastriot Limushi. Ky i fundit ka depozituar kallezim penal ne Prokurorine e Vlores ndaj oficerit Madani. Fakti konfirmohet nga organi i akuzes dhe mesohet se tashme eshte regjistruar ceshtja penale me akuzen “fyerje per shkak te detyres ndaj punonjesve te policise”.

Oficeret e policise dhe Prokurorise Vlore kane marre ne pyetje kolegun e tyre. Nderkohe, mesohet se eshte leshuar vendim per kryerjen e nje ekspertimi mjekoligjor per te percaktuar shkallen e goditjeve ndaj qytetarit Ali Dauti. Paralelisht me kete hetim eshte lajmeruar dhe shefin e SHKB–se, Arsen Zekaj, i cili pohon se: ”Jam njoftuar per kete ngjarje te kolegut tone dhe po veprojme, lidhur me kete kemi lajmeruar dhe koleget tane te Gjirokastres ku ai vepron si oficer”.