Projektbuxheti prezantohet në Kuvend/ Malaj: Rreth 9 miliardë euro, fokusi te mirëqenia sociale dhe infrastruktura
Projektbuxheti 2026 një ndër ligjet më të rëndësishmë ekonomike është prezantuar në Kuvend.
Kreu i financave Petrit Malaj tha se shpenzimet prej 886.7 miliardë lekësh ose rreth 9 miliardë euro do të fokusohen në infrastrukturë,mirqënie sociale dhe energjie e gjelbër.
Këto reforma sipas Malaj janë më rëndësi në rrugën drejt integrimit. Një ndër nismat më të rëndësishme në projektbuxhet është përcaktuar reforma në pensione e cila parashikon rritje graduale të tyre duke nisur që nga 1 janari.
Por një lajm pozitiv në këtë draft buxhet ka edhe për administratën publike. Ministri i Financave tha se një fond prej 10 miliardë lekësh është akorduar edhe për rritjen e pagave.
Ulja e borxhit publik dhe konsolidimi fiskal do të vijojnë edhe përgjatë 2026 duke e çuar nivelin e borxhit publik në 53.6%.
Kreu i financave tha se nuk do të ketë rritje taksash për vitin e ardhshëm ndërsa prezantoi disa ndryshime duke vënë theksin në paqen fiskale dhe rivlerësimin e pasurive i cili do të jetë 5% .
Banka e Shqipërisë e ka vlerësuar ecurinë e konomisë në vend ndërsa la të pa ndryshuar normën bazë të interesit.Guvernatori Gent Sejko tha se rritja ekonomike në vend është e qëndrueshme e mbështetur nga turizmi si dhe kushtet e favorshme të financimit. / abcnews.al /