Projektrezoluta antikorrupsion të hënën në Kuvend, Çuçi: Duam gjithëpërfshirje, Tabaku: Pavarësia e SPAK e shenjtë

TIRANË, 23 maj/ATSH/ Në mbledhjen e Konferencës së Kryetarëve, kreu i grupit parlamentar të PS, Bledi Çuçi propozoi datën 27 maj për çuarjen në seancë në Kuvend të draftrezolutës për thellimin e reformave për mirëqeverisjen, sundimin e ligjit dhe luftën kundër korrupsionit për Shqipërinë 2030 në Bashkimin Europian. Për shqyrtimin e këtij propozimi, tha Çuçi, do duhet të parashikohen edhe disa orë diskutimi për deputetët.

Duke iu përgjigjur shqetësimeve të deputetes së opozitës, Jorida Tabaku, kryetari i grupit parlamentar të Partisë Socialiste shpjegoi pse është e domosdoshme miratimi i rezolutës dhe ngritja e Komisionit të Posaçëm. Çuçi theksoi se s’ka mbivendosje me kompetencat e asnjë komisioni tjetër dhe as me punën e Këshillit Kombëtar të Integrimit.

“Nuk mund ta bëjë qeveria këtë gjë prandaj po marrim një iniciativë të tillë në Parlament. Qeveria është një nga institucionet që do të raportojë për mirëqeverisjen dhe luftën kundër korrupsionit. S’ka asnjë merak për mbivendosje kompetencash nga Këshilli i Integrimit Europian apo komisionet e tjera. Procesi Screening është burimi kryesor që na çon në marrjen e kësaj iniciative duke e shpallur prioritet luftën kundër korrupsionit dhe mirëqeverisjen. Pa diskutim që mazhoranca ka barrën kryesore sepse i është deleguar sovraniteti nga qytetarët, por ne kemi kërkuar gjithëpërfshirje në Parlament për ta udhëhequr këtë iniciativë”, deklaroi Çuçi.

Deputetja e Partisë Demokratike, Jorida Tabaku, se kjo projektrezolutë tregon se “qeveria pranon që kemi një korrupsion endemik dhe sot ekziston në të gjithë institucionet. Tani kush ka folur e paska pasur të drejtë”.

“Rezoluta që ju propozoni çon miratimin e ngritjes së një komisioni të posaçëm dhe disa elementë që ne mendojmë se kanë nevojë për një debat më të gjerë se sa debati në kuvend. Rezoluta që ju propozoni çon miratimin e ngritjes së një komisioni të posaçëm dhe disa elementë që ne mendojmë se kanë nevojë për një debat më të gjerë se sa debati në kuvend”, tha Tabaku.

“Kam dorëzuar disa ndryshime ligjore për të luftuar korrupsionin me ndryshime që i vijnë në ndihmë kësaj beteje dhe që u refuzuan nga PS. Mazhoranca i rrëzoi duke mohuar korrupsionin. Sot, qeveria pranon korrupsionin dhe mungesën e vullnetit politik. Ju kërkoni të krijoni një Komision AdHoc që merr funksione nga KKIE dhe pa asnjë argument. Kam dorëzuar disa ndryshime ligjore për të luftuar korrupsionin me ndryshime që i vijnë në ndihmë kësaj beteje dhe që u refuzuan nga PS. Mazhoranca i rrëzoi duke mohuar korrupsionin. Sot, qeveria pranon korrupsionin dhe mungesën e vullnetit politik. Ju kërkoni të krijoni një Komision AdHoc që merr funksione nga KKIE dhe pa asnjë argument”, vijoi Tabaku.

“Ne e kemi të shenjtë pavarësinë e institucioneve të drejtësisë, sidomos SPAK. Ne nuk kemi asnjë siguri që do ruhen këto pavarësi institucionale nga ky komision. Mungesa e kësaj sigurie na bën të jemi skeptikë duke parë punën tuaj. Parlamenti ka dhe 5 muaj punë dhe nuk mund të themi që qeverisë i lindi vullneti politik për të luftuar korrupsionin pas 3 mandateve në qeveri me thellim korrupsioni”, tha Tabaku.

Ndërsa deputeti i PS-së Eduard Shalsi vuri në dukje se “duhet të jetë një armë shtesë për të gjithë ata që duan të çojnë reformat përpara”.

Deputetja Ermonela Felaj u shpreh se Parlamenti nuk mund të jetë pasiv.

“Duhet të rimarrim në duar rolin tonë. Realisht është një detyrim jo vetëm i qeverisë, por edhe parlamentit. Ky mekanizëm që propozon rezoluta është i gjetur. Kjo është një mundësi e artë që ne të bashkohemi për procesin e integrimit”, theksoi Felaj.

Pas përfundimit të mbledhjes, deputetja demokrate Jorida Tabku tha se nuk votuan pro projektrezolutës së propozuar nga Partia Socialiste.

“Parlamenti sot nuk ka nevojë për një rezolutë dhe të miratojnë copa letre që dihet se çfarë fundi kanë. Në rezolutën e Partisë Socialiste thuhet që reformat janë të pakthyeshme. Ne sot abstenuam, nuk e votuam rezolutën dhe në mbledhjen e radhës së ditës së hënë do të diskutohet. Këto ishin ato që unë ngrita dhe në mungesë të një debati. Kjo kërkon vullnet politik që ka qenë i vonuar nga mazhoranca”, tha Tabaku.

Konferenca e Kryetarëve, foto: Florian Abazaj 1 nga 7