Protesta e 22 marsit/ Ambasada e SHBA-ve në Tiranë mesazh paralajmërues për qytetarët e saj

Partia Demokratike do të zhvillojë në Tiranë të dielën, më 22 mars 2026, në orën 18:00 protestën e saj të radhës.

Si në çdo protestë të mëparshme, Ambasada e SHBA në Tiranë ka lëshuar paralajmërim për qytetarët dhe stafin e saj.

Me anë të një njoftimi për mediat, Ambasada thotë se në orarin e protestës pritet që të ketë prezencë të shtuar policore dhe mundësi për ndërprerje të trafikut në zonë. Demonstrata mund të zgjerohet në rrugët dhe godinat përreth.

Ambasada e SHBA këshillon shmangien e zonës ku protestohet dhe që të ruhet siguria personale. Qytetarët amerikanë udhëzohen që të të ndjekin udhëzimet e autoriteteve lokale dhe mediat për informacionin më të fundit.

Njoftimi i Plotë:

“Ambasada Amerikane në Tiranë lëshon një paralajmërim për qytetarët dhe personelin e saj në lidhje me një demonstratë që pritet të mbahet të dielën, më 22 mars 2026, në orën 18:00. Demonstrata do të zhvillohet kryesisht përgjatë Bulevardit “Dëshmorët e Kombit”, ndërmjet Sheshit “Skënderbej” dhe Sheshit “Nënë Tereza”, me grumbullimin kryesor pranë ndërtesës së Kryeministrisë.

Autoritetet parashikojnë që protesta mund të zgjerohet në rrugët dhe godinat përreth, duke shkaktuar ndërprerje trafiku, rrugë të mbyllura dhe devijime të trafikut në zonë. Policia do të ketë prezencë të shtuar gjatë gjithë kohës për të menaxhuar situatën.

Ambasada këshillon qytetarët amerikanë që të shmangin zonën e protestës dhe të jenë të vëmendshëm ndaj mjedisit përreth.

Ndër veprimet paraprake të rekomanduara janë:

Të shmanget pjesëmarrja në këtë demonstratë

Të jenë të vetëdijshëm për ambientin dhe të kufizojnë shpërqendrimet si përdorimi i telefonit apo kufjeve

Të ndjekin mediat lokale për informacionin më të fundit

Të kenë një plan emergjence ose një rrugë dalëse të qartë

Të ruajnë profil të ulët dhe të shmangin situata potencialisht të rrezikshme

Për rast emergjence, qytetarët mund të kontaktojnë:

Ambasada Amerikane, Tiranë, Shqipëri

Telefon: +(355) (0)4224-7285

Pas orarit zyrtar: +(355) (0)4224-7285

Email: ACSTirana@state.gov

Website: https://al.usembassy.gov/services/

Departamenti i Shtetit – Çështje Konsullore

Telefon: 888-407-4747 (SHBA) ose 202-501-4444 (jashtë SHBA)

Qytetarët mund të regjistrohen në programin Smart Traveler Enrollment Program (STEP) për të marrë përditësime të sigurisë në kohë reale.

Situata e protestave mund të ndryshojë shpejt, ndaj është e rëndësishme të ndiqni udhëzimet e autoriteteve lokale dhe të merrni të gjitha masat e nevojshme për sigurinë personale”.

Më shumë nga Politika