Protesta në Tiranë hyn në ditën e 43-të, qytetarët protestojnë para Kryeministrisë

Protesta qytetare në Tiranë ka hyrë në ditën e 43-të radhazi, me pjesëmarrës që janë mbledhur sërish për të shprehur qëndrimet e tyre përpara godinës së Kryeministrisë.

Nga sheshi “Skënderbej”, protestuesit marshuan përgjatë Bulevardit “Dëshmorët e Kombit” drejt selisë së qeverisë.

Pasi mbërritën para Kryeministrisë, pjesëmarrësit po zhvillojë tubimin duke mbajtur edhe fjalimet përkatëse nga përfaqësues të protestës dhe qytetarë të ndryshëm.

Gjatë fjalimeve u shprehën kritika ndaj qeverisë dhe opozitës, ndërsa u kërkua ndryshim i mënyrës së funksionimit të politikës në vend.

Në raportimin e saj, gazetarja e RTSH-së, Elda Lame e cila ndjek nga afër protestën, tregoi edhe situatën para nisjes së protestës.

“Një grup i parë i protestuesve, pasi pjesa tjetër pritet të ndjekë të njëjtin itinerar sikurse ka ndodhur edhe ditët e mëparshme, për t’u nisur nga sheshi “Skënderbej” për t’ju bashkuar bulevardit “Dëshmorët e Kombit”, duke marshuar të gjithë gjatësinë e tij për t’u vendosur këtu në podiumin ku mbahen fjalimet, para godinës së kryeministrisë. Kanë mbërritur protestuesit e parë. Mediat tashmë janë instaluar në këtë shesh, aty ku zhvillohen edhe fjalimet sipas rastit”, tha gazetarja Lame.

/rtsh.al/