Putin dhe Biden përfundojnë bisedën një orëshe për krizën në Ukrainë

Presidentët Joe Biden dhe Vladimir Putin kanë përfunduar një telefonatë për të diskutuar krizën në Ukrainë pasi Shtëpia e Bardhë thotë se inteligjenca tregon se Rusia mund të pushtojë në një njoftim të shkurtër, njofton Associated Press.

Telefonata zgjati 62 minuta, sipas Shtëpisë së Bardhë.

“Biseda zgjati rreth një orë. Bisedimeve mes dy liderëve u paraprinë më herët gjatë ditës së sotme nga kontaktet mes ministrave të jashtëm dhe të mbrojtjes. Tema kryesore e të gjitha bisedimeve është situata në dhe rreth Ukrainës”, shkruajnë mediat e huaja.

Sipas AP, Putin dëshironte që biseda telefonike të bëhej të hënën, por ajo u vendos për sot, pas këmbënguljes nga pala amerikane, duke pasur parasysh se shërbimet e inteligjencës amerikane kanë dhënë informacione se së shpejti Rusia mund të pushtojë Ukrainën.

Më herët, Putin foli me presidentin francez Emanuel Macron dhe të premten, Biden zhvilloi një bisedë virtuale me aleatët më të rëndësishëm të NATO-s dhe Bashkimin Evropian.

Biden planifikoi edhe një herë t’i bënte thirrje Putinit që të de-përshkallëzonte dhe të tërhiqte mbi 100,000 trupat ruse që janë grumbulluar pranë kufijve të Ukrainës.

Sipas një zyrtari amerikan , Shtetet e Bashkuara  mendojnë se Rusia po e shikon të mërkurën si një datë objektiv për një pushtim. Zyrtari, i cili nuk ishte i autorizuar të fliste publikisht dhe e bëri këtë vetëm në kushte anonimiteti, nuk do të thoshte se sa përfundimtare ishte dyshimi .

Shtëpia e Bardhë thotë publikisht se SHBA-të nuk e dinë me siguri nëse Putini është i përkushtuar ndaj një pushtimi. Rusia mohon se synon të nisë një ofensivë kundër Ukrainës.