Qendra e re shëndetësore në Roshnik, Koçiu: Infrastrukturë e rehabilituar për 2900 banorë e turistët e shumtë
TIRANË, 21 shtator /ATSH/-Ministrja e Shëndetësisë dhe Mbrojtjes Sociale, Albana Koçiu përuroi qendrën shëndetësore në fshatin turistik Roshnik në Berat, i cili këtë sezon veror ka pritur qindra turistë.
Koçiu theksoi se, kjo qendër shëndetësore i shërben rreth 2900 banorëve të zonës.
“Qendra Shëndetësore Roshnik, tashmë me infrastrukturë tërësisht të rehabilituar, është pjesë e programit për rehabilitimin e 400 qendrave shëndetësore në të gjithë vendin, nga të cilat 60 vetëm në vitin 2023-2024”, nënvizoi ministrja Koçiu.
Koçiu theksoi se, edhe përgjatë vitit 2025 do të vijojnë investimet për rehabilitimin e infrastrukturës spitalore në të gjithë vendin me kushte bashkëkohore, duke garantuar shërbime shëndetësore cilësore afër vendbanimeve të qytetarëve.
Ministrja Koçiu në qendrën shëndetësore në Roshnik 1 nga 14/a.f/