Qeveria do të blejë makina luksoze për funksionarë të saj
Qeveria do të blejë 29 makina luksoze për funksionarë të lartë të shtetit.
Sipas Vizion Plus, tenderi për blerjen e mjeteve do të bëhet nga Garda e Republikës me proçedura sekrete, të përjashtuara nga ligji i Prokurimit Publik. Në vendimin e Këshillit të Ministrave, drejtuar Gardës, nuk përcaktohet shuma e lekëve që do të shpenzohet.
Vizion Plus shkruan se shumica e mjeteve do të jetë e tipit "Jaguar", me vlerë minimale 95 mijë dollarë secila. Drejtues të Gardës refuzojnë të japin detaje. Sipas tyre, proçesi është sekret sepse ka të bejë me sigurinë e funksionarëve të lartë shtetëror.
Nuk është hera e pare që Qeveria Rama shpenzon para nga buxheti për të blerë makina. Në mars të këtij viti, Policia e shtetit bleu makina të reja për komisariatet e Tiranës.