Rama 400 banesat sociale synojne jo vetem strehimin por integrimin e te pastreheve ne komunitet

Tirane 22 shtator NOA - Punimet per realizimin e 400 banesave sociale ne zonen ish-Uzines se Autotraktoreve ne Shkoze per te pastrehet jane inspektuar sot nga kryetari i Bashkise se Tiranes Edi Rama.

Ne fjalen e tij kryebashkiaku Rama theksoi se bashkia e Tiranes ka ngritur nje grup ekspertesh te huaj dhe shqiptare qe po punojne per nje plan lidhur me katet e para te kompleksit te banesave sociale te cilat sipas shefit te bashkise se kryeqytetit do te vihen ne dispozicion te te rejave dhe te rinjve te papune dhe qe kane ambicje te merren me nje sipermarrje.

Projekti ambicioz i ndertimit te banesave sociale nuk do te kete per synim thjesht qellimin paresor te tij strehimin e familjeve ne nevoje por edhe integrimin e ketyre familjeve ne jeten sociale. Kjo do te behet e mundur me zbatimin e nje plani te zhvillimit ekonomik te zones duke aplikuar inkubatoret e bizneseve sociale ne te gjitha katet e para te banesave me synim jo vetem aftesimin profesional por edhe punesimin ne kuader te zhvillimit te bizneseve tha kryebashkiaku Rama.

Ne kete kontekst ai sqaroi se do te implementohen programe per te percaktuar menyrat me te mira per mbeshtetjen e ketyre familjeve dhe per te ndihmuar integrimin e tyre ne jeten shoqerore. Une jam shume krenar per cka po bejme ketu dhe shume besimplote qe ky model i ri i baneses sociale i futur brenda nje kompleksi zhvillimi social te integruar do ti jape fund nje historie dramatike 20-vjecare te politikes se vjeter te strehimit social dhe do te hape nje epoke te re jo vetem per Tiranen por per te gjithe Shqiperine ne vitet e ardhshme theksoi zoti Rama.

Ne kete kompleks do te kete ambiente per nje cerdhe kopesht shkolle hapesira kreative per femijet si edhe nje qender sociale qe do te vihet ne dispozicion te banoreve.

Krahas zgjidhjes se situates emergjente te strehimit per keto familje Bashkia e Tiranes ben me dije se nen asistencen teknike te eksperteve nderkombetare financuar nga UNICEF po punohet per ngritjen dhe funksionimin e Agjencise per menaxhimin e ketyre banesave sociale.

Sipas bashkise menaxhimi nuk perfshin vetem mirembajtjen e banesave dhe te mjediseve rrethuese por edhe kujdesin dhe mbeshtetjen per integrimin social-ekonomik te ketyre familjeve ne shoqeri.

Ky projekt perfshin rreth 5223 familje qe kane aplikuar per programet e strehimit social dhe rreth 800 familje qe kane aplikuar per programin e banesave sociale me qera.

Nga projekti i pare i ndertimit te banesave sociale i nisur ne vitin 2009 do te perfitojne rreth 400 familje te pastreha te Tiranes.