Rama Berisha deshtoi me shqiptaret

“Në 8 maj, votën që të vazhdojmë të bëjmë rrugë, të vendosim drita, pemë dhe të ndalojmë këta që janë llumi i kusarisë”, ka thënë Rama gjatë takimeve.

I shoqëruar nga kandidati për kryetar minibashkie Armond Halebi dhe deputeti Eduard Shalsi, zoti Rama vuri në dukje dështimet e plota të qeverisë dhe kryeministrit Berisha në lidhje me qytetarët e Tiranës dhe gjithë Shqipërisë.

“S’ka lekë? Lekët janë ke blloku. Duhet ta dorëzojnë bllokun këta më 8 maj, sepse ndryshe i bëjnë lekët rrush e flamuj”, ka thënë Rama.

Duke e konsideruar kryeministrin Berisha si njeriun e regresit, premtimeve të pambajtura dhe mashtrimeve të shumta, kreu i bashkise Rama ashtu si një ditë më parë, përdori edhe tonet ironizuese e satirike ndaj tij duke treguar një anekdodë ku ishin të përfshirë edhe ish-presidenti amerikan George W. Bush dhe kryeministri italian Silvio Berlusconi.

Duke e cilësuar alternativën socialiste si të vetmen rrugë, zoti Rama theksoi se tiransit, ashtu si të gjithë shqiptarët, në 8 maj duhet t’i japin një përgjigje të fortë me votë kryeministrit Berisha dhe gjithë shpurrës së tij, që sic tha ai, po grabisin Shqipërinë në cdo cep të saj.