Rama: Drejt përfundimit ura e Bilçës në Berat, lehtëson lëvizjen

Ura e Bilçës në Berat është drejt përfundimit, ku ka nisur puna për betonim dhe asfaltim përmbi strukturën e urës.

Kryeministri Edi Rama ka ndarë disa foto nga procesi i punës, i cili theksoi se, ura shumë shpejt do të jetë funksionale për të gjithë qytetarët e Beratit dhe për banorët e Bilçës, të cilët me hapjen e kësaj ure do të jenë pjesë e lagjes më të re të Beratit e që do t’iu lehtësojë lëvizshmërinë.

Ky investim, I konsideruar si porta e madhe e prurjeve turistike drejt Beratit, është projekti i bashkisë Berat me partneritet Fondin Shqiptar për Zhvillim dhe financimit me grant nga fondet e Bashkimit Evropian.

Sipas projektuesve, kjo Urë e kthen Bilçën në lagje të qytetit dhe për më tepër, zgjeron paketën turistike të Beratit ku vizitorët vetëm pak minuta larg do të gjejnë destinacionet e ekoturizmit në Bilçë dhe zonat përreth.

Ura është me një gjatësi prej 268 metra dhe gjerësi të superstrukturës 12.4 metra ku përfshihen dhe trotuare dhe korsi për biçikleta.