Rama: Konventa e punësimit kapunë vetëm sharjen e opozitës

Të tjera rreth shkrimit March 30, 2013 #Krenar #RILINDJE March 30, 2013 TIRANE-  Konventa e PD-së për punësimin ka punë të vetme "sharjen e opozitës! S'kanë faj, vetëm këtë punë dinë dhe për këtë punë janë punësuar", - shprehet kryetari i PS-së, Edi Rama, në rrjetin social FB, rreth një orë orë pas hapjes së saj. "Të tjerat janë veç kopjim i programit tonë, kishin 8 vjet t'i bënin, po tani po i mësojnë prej nesh. 23 qershori, koha për të ikur! Pushimi nga puna në 23 qershor i këtyre pushtetarëve parazitë antiopozitarë do të hapë rrugën për 300 mijë vende të reja pune!", shkruan ai në vazhdim.

Po sot paradite, lidhur me këtë temë, Rama i është drejtuar nga Twitter, Kryeministrit, me fjalët:  "Keni hapur 200 mijë vende pune, siç thoni ju, apo keni humbur në 4 vjet 51 mijë, siç thotë INSTAT-i juaj? Le të bëjmë një debat e ta shohim këtë" .

Duke iu referuar konventës kombëtare që mbledh sot pasdite Partia Demokratike, Rama akuzon PD se vazhdon të kopjojë. "Sot vetëm orën nuk kanë kopjuar për konventën e programit. Sa më shumë kopjojnë, aq më fort vulosin programin tonë"- shkruan Rama në profilin e tij në Twitter.

Keni hapur 200 mije vende pune si thoni ju apo keni humbur ne 4 vjet 51 mije si thote Instati juaj? Le te bejme nje debat e ta shohim kete!— Edi Rama (@ediramaal) March 30, 2013

Sot vetem oren nuk kane kopjuar per konventen e programit:-) Sa me shume kopjojn aq me fort vulosin programin tone #Krenar per PS #RILINDJE

— Edi Rama (@ediramaal) March 30, 2013 (sg/shqiptarja.com)