Rama jep lajmin e mirë nga Britania për emigrantët: Do ndërmarrim së shpejti nismën ligjore për regjistrimin e të gjithë fëmijëve që u regjistruan si kosovarë

Kryeministri Edi Rama dha lajmin e mirë gjatë fjalës së tij në takimin me shqiptarët e diasporës që jetojnë në Britaninë e Madhe.

Rama: Edhe disave prej jush ju është dashur të fshihni identitetin e tyre. Disa ende sot kalojnë vështirësi burokratike për regjistrimin e fëmijëve. Do ndërmarrim së shpejti një nismë ligjore për regjistrimin e të gjithë fëmijëve të prindërve që u regjistruan si kosovarë në Angli, do vijojnë përpjekjet diplomatike për të mundësuar të gjithëve ju që keni një kohë rikthimin e emrit të babës dhe nënës në të gjitha rastet që ju e dëshironi këtë.

Sot është kollaj të thuhet se ata abuzuan me sistemin e këtushëm duke ndërruar emrin dhe ndërtuar një jetë më të mirë, vetë ndarja mes refugjatëve politikë dhe ekonomikë, në çdo kohë është vetëm një mjet për të justifikuar.