Rama ndan pamje nga mbrëmja ceremoniale e çeljes së dyerve të Misionit të Shqipërisë pranë Bashkimit Europian

Kryeministri Edi Rama ka ndarë pamje nga mbrëmja e djeshme ceremoniale e çeljes së dyerve të godinës të misionit të Shqipërisë në BE, në vigjilje të çeljes së grupkapitullit të fundit të Shqipërisë për integrimin në BE.

Ndërkaq është zbardhur një pjesë nga biseda mes kryeministrit Edi Rama dhe komisioneres për Zgjerimin në BE, Marta Kos, kjo e fundit e cilësoi BE-në si shtëpinë e re të Shqipërisë.

Kryeministri Edi Rama: Dikur, kur vinim, binte shi e bënte ftohtë jashtë dhe binte shi e bënte ftohtë brenda. Tashmë është ndryshe. Çfarëdo të ketë jashtë, brenda bën ngrohtë dhe është plot energji pozitive, fytyra pozitive dhe buzëqeshje të këndshme. Nuk jemi mësuar me këtë, Marta, ndaj është e jashtëzakonshme më në fund ta përjetosh këtë gjë, që është e vazhdueshme gjatë gjithë vitit dhe po bëhet e përhershme. Dua t’ju falënderoj të gjithëve sinqerisht që jeni këtu dhe të falënderoj sinqerisht e me gjithë zemër për punën secilin prej jush.