Rama nesër në Kosovë, takim me Thaçin dhe liderët politikë

Kryeministri i Shqipërisë Edi Rama do të zhvillojë nesër një vizitë në Prishtinë, i shoqëruar dhe nga një pjesë e kabinetit të tij qeveritar.

Në vizitën e tij të parë si kryeministër në Kosovë, Rama do të zhvillojë takim me kryeministrin e Kosovës Hashim Thaçi si dhe me liderë të partive të tjera politike në Kosovë.

Sipas mediave kosovare, kryeministri Rama do të mbajë edhe një fjalim në Kuvendin e Kosovës.

Mësohet se bashkëpunimi mes dy vendeve e projektet e përbashkëta, do të jetë dhe objekti i bisedës në këtë takim.