Rama publikon pamjet: Punë kolosale në kantierin e Korridorit VIII

Kryeministri Edi Rama ka publikuar në rrjetet sociale punën që po bëhet për ndërtimin e Korridorit VIII (aksi Elbasan-Qafë Thanë).

Rama shprehet se në këtë aks rrugor po zhvillohet një punë e jashtëzakonshme e kolosale dhe se punimet janë të standardeve europiane.

Duke folur dhe njëherë për shembjen në aksin rrugor që lidh Librazhdin me Prrenjasin, Rama deklaron se shkak ka qenë rrëshqitja e tokës, pra gjeologjike dhe aspak standardet, me të cilat punohet.

Kujtojmë se shembja e një pjese të aksit rrugor që lidh Librazhdin me Prrenjasin, bëri që jug-lindja e vendit të jetë e bllokuar prej disa ditësh.