Rama uron presidentin e Azerbajxhanit për fitoren në zgjedhje: Mezi pres të ndihmoj në hapjen e ambasadës së re shqiptare në Baku
Kryeministri Edi Rama ka uruar Presidentin e Azerbajxhanit, Ilham Alyiev, pas fitores në zgjedhjeve të zhvilluara sot.
“Urime të përzemërta mikut tim të dashur President Ilham Alyiev, për rikonfirmimin e tij si lider i padiskutueshëm i Azerbajxhanit mik, një vend i mrekullueshëm me njerëz të zellshëm, punëtorë, të cilët, nën udhëheqjen e tij, po bëjnë hapa të mëdhenj përpara”, shkruan në platformën e tij “X” Kryeministri Rama.
Gjithashtu Rama shkruan se, “mezi pres të ndihmoj në hapjen e Ambasadës së re Shqiptare në Baku shumë shpejt”
Në Republikën e Azerbajxhanit këtë të mërkurën u zhvilluan zgjedhjet presidenciale. Ku në garë ishin shtatë kandidatë.
Votimi u zhvillua në 6 537 qendra votimi në 125 zona zgjedhore, duke përfshirë 6 319 qendra votimi të përhershme dhe 218 qendra votimi të vendosura në ambasadat e Azerbajxhanit, konsullatat e përgjithshme dhe përfaqësitë e përhershme jashtë vendit, njësitë ushtarake, objektet mjekësore në sanatoriume, në anije që lundrojnë nën flamuri kombëtar i vendit në detin Kaspik dhe në ujërat ndërkombëtare.
/rtsh.al/