Rehabilitimi i banesave në kalanë e Ali Pashës, banorët: Shpresa për rritjen e turizmit

Rehabilitimi i banesave në kalanë e Ali Pashës në Tepelenë po vlerësohet gjerësisht nga banorët lokalë, të cilët e shohin si një mundësi të rëndësishme për zhvillimin e turizmit familjar.

Ky investim jo vetëm që ka ruajtur trashëgiminë historike të zonës, por po krijon kushte më të mira për tërheqjen e vizitorëve.

Banorët theksojnë se përmirësimi i infrastrukturës së banesave do të ndihmojë familjet që të zhvillojnë mikpritjen turistike, duke ofruar përvoja autentike për vizitorët.

Banorët e Tepelenës besojnë se rehabilitimi i banesave në kalanë e Ali Pashës do të sjellë një rigjallërim të turizmit dhe do t’i hapë rrugën një zhvillimi të qëndrueshëm për ekonominë e tyre lokale, duke forcuar lidhjen mes historisë dhe mikpritjes familjare.

/rtsh.al/