Rëndohet tragjedia në Postribë të Shkodrës, gjenden të pajetë edhe nëna me fëmijën tjetër! Trupat u zbuluan nën rrënojat e banesës së djegur

Thellohet tragjedia e ndodhur në Postribë të Shkodrës ditën  e sotme (29 korrik).

Pas fëmijës së parë të familjes gjenden të pajetë nën rrënojat e djegura të banesës edhe nëna me fëmijën tjetër.

Mësohet se nëna me dy fëmijët e saj sapo ishin kthyer nga Gjermania, ndërsa grupi hetimor po vijon hetimet për të zbardhur plotësisht dinamikën dhe shkaqet e ngjarjes tragjike.

Hetimet po ndiqen në pistat e një ngjarjeje dhe zjarri aksidental, por pa përjashtuar edhe pista të tjera.

Nëna dhe dy fëmijët e saj kishin udhëtuar për në fshatin Domen të Postribës, ku kishin banesën e vjetër të familjes.