Reshjet/ Dëmtohen akset rrugore në Gramsh

Reshjet  e  këtyre  ditëve  të  fundit  po  sjellin  dëmtime  të  infrastrukturës rrugore rurale në rrethin e Gramshit. Akset rrugore të 4  njësive administrative e fshatrave të tyre që i lidhin me qytetin e  Gramshit kanë patur rrëshqitje të dherave, bllokim të tyre për 2 deri në 3 ditë dhe kalimi i automjeteve është bërë tepër i vështirë.

Pak ditë më parë 50 vizitorë nga Tirana që donin të shkonin në  ujvarën e Sotirës që është një nga 18 pikat turistike në Gramsh nuk kanë mundur të mbërrijnë në destinacion për shkak të daljes së  përroit nga shtrati. Banorët dhe shoferët e autobuzëve thonë se kalimi është tepër i vështirë. 

Punonjësit e bashkisë kanë zbritur në terren dhe kanë nisur punën  për hapjen e atyre segmenteve rrugore që janë më problematike, me qëllim normalizimin e situatës për kalimin e automjeteve.   

Gazetare: Keti Toroveci

/rtsh/