Rikthehet zjarri në Panaja- Flakët avancojnë drejt ullishteve, terreni i vështirë pengon ndërhyrjen e zjarrfikësve

Zjarri është rikthyer sërish në zonën e Panajasë, në Vlorë, ku era e fortë dhe temperaturat e larta kanë favorizuar përhapjen e shpejtë të flakëve.

Aktualisht, zjarri po përfshin sipërfaqe me bimësi dhe shkurre, ndërsa flakët po avancojnë drejt kodrave dhe ullishteve përreth.

Terreni i vështirë po e bën të vështirë ndërhyrjen e zjarrfikësve, ndërsa po punojnë për izolimin e vatrës së zjarrit me mjete rrethanore.

Ndërkohë, kushtet atmosferike dhe era e fortë po shtojnë rrezikun e përhapjes së flakëve në zona të tjera, duke kërcënuar sipërfaqe të mëdha me bimësi dhe ullinj.

/rtsh.al/