Rrëmbehet punonjësi i ndihmave humanitare

Manila - Një punonjës i ndihmave humanitare nga Sri Lanka, është rrëmbyer në Filipine. Autoritetet ushtarake kanë deklaruar se personi në fjalë është rrëmbyer me një sulm me armë në shtëpitë e qytetit Lamitan në ishullin Basilan, që ndodhet në jug të vendit. Në Filipine edhe me parë ishin rrëmbyer 3 punonjës të Komitetit Ndërkombëtar të Kryqit të Kuq.