Rreth 100 të arrestuar në Paris

Rreth 100 persona janë arrestuar në Paris pas konfrontimeve mes policisë dhe protestuesve gjatë demonstratave kundër ligjit të ri të Francës, që lejon martesën e homoseksualëve dhe adoptimin prej tyre të fëmijëvr.

Policia ka deklaruar se rreth 150 mijë persona morën pjesë në protestën e së dielës ndërsa
organizatorët theksojnë se numri është më i lartë

Demonstrata u organizua nga grupet, që e përshkruajnë veten si pro-tradicionaliste.

Demonstrata filloi në mënyrë paqësore, por raportet thonë se aktivistët e ekstremit të djathtë nxitën përleshjet me policinë, e cila hodhi gaz lotsjellës për të shpërndarë turmat në qendër të Parisit.

Ligji për martesat e të njëjtës gjini u nënshkrua nga presidenti Francois Hollande në këtë muaj.