“Rrezikojmë të shkojmë sërish në zgjedhje”/ Hamza: Çështja e Presidentit po vendoset mbi Ligjin për Specialen

KOSOVË- Kryetari i Partisë Demokratike të Kosovës Bedri Hamza, ka mbajtur një konferencë për media, ku ka folur për zhvillimet e fundit politike dhe çështjen e zgjedhjes së Presidentit të Kosovës.

Hamza tha se aktualisht çështja e Presidentit po vendoset përballë çështjes së miratimit të ligjeve, duke ritheksuar qëndrimin e PDK-së për procesin ligjvënës.

“Kemi thënë Ligjin në dy lexime. Ky është qëndrimi ynë”, tha Hamza.

Ai bëri të ditur se ka zhvilluar takime me liderët e partive demokratike, ndërsa theksoi se vendi ndodhet në një fazë vendimtare.

“Jam taku me gjithë liderë të partive demokratike. Ne jemi në orët e fundit”, deklaroi kreu i PDK-së.

Deklaratat e Hamzës vijnë në një kohë kur zhvillimet rreth zgjedhjes së Presidentit dhe miratimit të ligjeve janë në qendër të vëmendjes politike në Kosovë.