Rritet numri i shqiptareve qe ekstradohen jashte Shqiperise

Shqipëria nuk mund të konsiderohet më si streha e kriminelëve apo të shumë kërkuarave nga drejtesitë e huaja. Sipas Prokurorisë së Përgjithshme, vitet e fundit është rritur besueshmëria ndaj institucioneve të drejtësisë shqiptare nga ana e strukturave homologe në vende, kryesisht evropiane, por edhe më gjerë. Si pasoj e kësaj marrëdhënie reciproke, shumë shqiptar por edhe të huaj, të kërkuar për krime të ndryshme janë ekstraduar drejt vendeve ku kanë kryer krime.

Sipas këtyre të dhënave, rezulton se pikat e kalimit kufitar janë vendet ku në të shumtën e rasteve, bien në pranga të shumë kërkuarit që më pas kanë përfunduar në vendet përkatëse…Më të suksesshëm në arrestimin e këtyre personave, janë policët e pikë kalimit kufitar të Morinit në Kukës dhe aeroportit të Rinasit, ku edhe lëvizjet e qytetarëve janë më të shumtë.

Kohët e fundit në kuadër të marrëveshjeve dypalëshe të nënshkrura me shumë vende të ndryshme, mësohet se është hapur rruga e bashkëpunimit edhe për vepra të tjera penale.