Rritja e pagës minimale, Ibrahimaj: Brenda tre vitesh nuk do kemi nivelin më të ulët në rajon

Ministrja e Financave dhe Ekonomisë, Delina Ibrahimaj ka parashtruar objektivin e qeverisë lidhur me rritjen e pagës minimale. Duke theksuar se Shqipëria është vendi me pagën më të ulët minimale në rajon, Ibrahimaj deklaroi se në tre vitet e ardhshme synohet që paga minimale të mos jetë më u ulëlta në rajon. Ibrahimaj shtoi se shkak për këtë nivel page minimale është rritja e inflacionit dhe efektet e krizës.

“Gjatë vitit të kaluar ne kemi ndërhyrë dy herë në nivelin e pagës minimale dhe është një politikë që ne e kemi përdorur që të mitigojmë efektet e krizës dhe të rritjes së inflacionit. Është një numër i konsiderueshëm punonjësish të cilët janë pagamarrës minimal. Paga minimale në vend, është paga më e ulët në rajon. Ne synojmë që në 3 vitet e ardhshme të mos jetë paga më e ulët në rajon”, deklaroi ajo.

E pyetur nga gazetarët Ibrahimaj mohoi që ndryshimet në paga gjatë kësaj periudhe të jenë për efekt të  fushatës elektorale për zgjedhjet vendore të 14 majit.