Rritje e lehtë e temperaturave, parashikimi i motit për ditën e sotme

Shqipëria do të vijojë të ndikohet nga masa ajrore të qëndrueshme, duke sjellë mot të kthjellët në pjesën më të madhe të territorit gjatë paradites.

Gjatë pasdites pritet shtim i vranësirave, më të theksuara në zonat lindore dhe juglindore, ku nuk përjashtohen rrebeshe të përkohshme shiu.

Sipas MeteoAlb, në orët e mbrëmjes moti do të përmirësohet sërish dhe kthjellimet do të rikthehen në të gjithë vendin, ndërsa lagështira në ajër do të mbetet e lartë.

Temperaturat do të shënojnë një rritje të lehtë, me vlerat minimale që do të zbresin deri në 13°C, ndërsa maksimalet pritet të arrijnë në 37°C.

Era do të fryjë me intensitet mbi mesataren, me shpejtësi deri në 45 km/h nga drejtimi jugperëndimor. Në brigjet detare pritet dallgëzim deri në 3 ballë.